O sábado 13 de xuño, ás 20,00 horas, no Centro Cultural de Arenteiro, terá lugar a obra de teatro “Neura”, de Ste Xeito Produccións. Neura é unha comedia que aborda o tema da saúde mental, con minúsculas. Os protagonistas conviven con teimas propias e alleas. Neura non é unha comedia romántica: Edu e Sonia, xa viviron no pasado a súa historia de amor e desamor. Unha historia que terminou precisamente por mor deses pequenos trastornos. Non son amigos, non son amantes. Son esa categoría difusa á que chamamos “ex”. Xente da que sabemos ata o seu grupo sanguíneo, pero coa que nos comportamos coma se fosen perfectos descoñecidos. Os azares da vida fan que se volvan a atopar en distintas circunstancias. Obrigados unha vez máis a poñer a proba a compatibilidade das súas neuras.
A entrada é de balde e está dirixida a público de máis de 12 anos.
OS MELLORES ESTABLECEMENTOS
Esta actividade forma parte do programa da Rede de Auditorios da Deputación Provincial de Ourense, unha iniciativa que permite aos concellos adheridos ampliar a súa oferta cultural e facilitar o acceso da veciñanza a propostas escénicas de calidade, contribuíndo así á dinamización da vida cultural do municipio.
