A lenda do cinema, protagonista de ‘Espartaco’ e ‘Senderos de Gloria’, morreu este mércores en Los Ángeles tal e como confirmou o seu fillo, o tamén actor Michael Douglas
Issur Danielovich Demsky, coñecido como Kirk Douglas (Amsterdam, Nova York o 9 de decembro de 1916 – Beverly Hills, California o 5 de febreiro de 2020) foi un actor e produtor de cine estadounidense de orixe xudeu belaruso. Foi o pai do actor e produtor Michael Douglas.
Os seus pais eran xudeus belarusos e o seu nome orixinal, Issur Danielovich Demsky. Dende cativo destacou nos deportes e nas lides actorais. Graduouse en Letras na Universidade de St. Lawrence. Logo de se graduar marchou a Nova York, onde conseguiu unha bolsa na Academia Americana de Arte Dramática, onde permaneceu ata 1939, con 23 anos.
En 1941, ingresa grazas a Lauren Bacall en Broadway, pero logo é chamado ó servizo militar na mariña, que cumpre en 1942 e 1943, para logo regresar a Broadway. En 1946, ós 30 anos e xa cunha certa fama colleitada en Broadway, Lewis Milestone propono como primeiro actor no filme The Strange Love of Martha Ivers, onde se revela como un actor de carácter.
En 1949, interpreta un boxeador en Champion de Mark Robson onde pola súa realista interpretación é proposto para ser recoñecido como Mellor Actor na Academia. Foi proposto en tres ocasións para un Óscar da Academia aínda que nunca o gañou. Porén foi galardoado en 1996 cun oscar honorífico pola súa dilatada carreira de 76 filmes.
Máis información en : https://gl.wikipedia.org/wiki/Kirk_Douglas
