INAUGURADA A EXPOSICIÓN DE ARTE COLECTIVA “AR(T)ENTEIRO” CON 49 PINTURAS, FOTOGRAFÍAS E ESCULTURAS DE 41 ARTISTAS
A mostra de arte colectiva AR(T)ENTEIRO, que organiza o Centro de Estudios Chamoso Lamas coa colaboración do Concello do Carballiño, inaugurouse esta tarde na sala de exposicións do auditorio municipal Manuel María, onde permanecerá aberta ata o 21 de marzo, cos seguintes horarios de visita: de martes a venres: 18:00 – 21:00 horas; sábados, domingos e festivos: 12:00 – 14:00 horas
A exposición, que contén 49 obras de pintura, fotografía e escultura, de 41 artistas foi inaugurada polo presidente do Centro de Estudios Chamoso Lamas, Xosé Luis Sobrado, xunto cos comisarios da mostra, Juan Manuel Rodríguez e Óscar Gónfer, así como os integrantes do colectivo cultural, autoridades municipais e artistas.
