Asime e a Universidade de Vigo doan 3.000 escudos faciais á Deputación de Ourense para a loita contra o COVID-19

Doazón de 3000 pantallas protectoras á Deputación Ourense para a súa distribución pola provincia, a centros hospitalarios, residencias, etc….. Asisten o acto de entrega Plácido Álvarez Dobaño (VicePresidente da Deputación Ourense), Ramón Alonso Fernández (Xerente de Dalot) e Enrique Mallón (Secretario Xeral de ASIME). Tamén colaboran en esta iniciativa a Universidade de Vigo

O vicepresidente terceiro da Deputación de Ourense, Plácido Álvarez, recibiu hoxe no Pazo Provincial, en nome da institución, as 3.000 pantallas protectoras que Asime e a Universidade de Vigo doaron á Deputación de Ourense para a loita contra o COVID-19. Os escudos están feitos de PET, plástico utilizado polo sector da alimentación e que se pode desinfectar facilmente para o seu uso continuado. Na entrega do material esta mañá estiveron presentes, ademais do vicepresidente terceiro da Deputación, Enrique Mallón, o secretario xeral de Asime; e Ramón Alonso, xerente de Dalot.
Estas pantallas protectoras producíronse dentro da Plataforma Galicia EscudoCovid19, unha iniciativa solidaria a nivel nacional que está coordinada institucionalmente en Galicia pola Universidade de Vigo e Asime, coa participación de máis de 20 empresas galegas. O material doado á Deputación de Ourense irá destinado aos diversos centros hospitalarios e asistencias da nosa provincia, así como a organizacións da nosa área territorial, explicou Plácido Álvarez, quen agradeceu este xesto de solidariedade tan importante que nos vai a permitir distribuír 3.000 pantallas protectoras na nosa provincia e continuar protexendo aos que nos están coidando nesta pandemia.

Pola súa banda, Enrique Mallón sinalou que con este proxecto solidario habemos repartido xa máis de 40.000 pantallas protectoras en toda Galicia. Esperamos que a entrega de hoxe contribúa a paliar a pandemia na área territorial de Ourense, axudando a protexer cun material da maior calidade ao persoal sanitario e asistencial que loita cada día contra o virus en primeira liña.

AVANTAR ACTIVIDADES

Desde a Universidade de Vigo explicaron que se trata da terceira entrega de material de loita contra o COVID-19 que se realiza en Ourense, xa que en semanas anteriores entregáronse 2.000 pantallas protectoras ao Complexo Hospitalario Universitario de Ourense e á Fundación San Rosendo e outras 2.000 ao Grupo Coren, que participou doando materia prima para a súa fabricación.

A iniciativa solidaria está coordinada por Asime e pola Universidade de Vigo, a través do Centro de Investigación Tecnolóxico Industrial (CINTECX) e do Campus de Especialización Vigo Tecnolóxico. A eles uníronse desde un inicio as empresas Adhex, Dalot, Dativic, Lupeon, MCSyncro, Mepronor, Plascies, Plymouth, Troqueles Galicia e Valver. Outras empresas sumaron tamén as súas achegas económicas e esforzos: Asesoría e Consultoría de Empresas Despachos Asociados S.L., Cerradoras López Galicia, Coren, Distevi, Gadisa, Fabricacións Parma, Instalacións do Noroeste, Itera Técnica, Laser Galicia, Metaldeza, Onice Estudos e Proxectos, Resinas Castro, Royal Roos Enxeñaría, Solmecor, Umiametal, Utingal e Vigumat.