A proposta de Ribeiro en Común dun Plan de Axudas a Parados foi aceptada polo Concello

A proposta dun Plan de Axudas do Concello a Parados realizada por Ribeiro en Común ven de ser aceptada no Concello para ser concretada nos vindeiros días.

Publicidade

Nese Plan de Axuda Social Ribeiro en Común propón un bono de compra no comercio local para parados do municipio.

Na proposta inicial do goberno non se contemplaba nin a axuda social a parados nin axudas a autónomos que beneficien a quen máis o necesita.

Para poder aumentar as partidas, Ribeiro en Común pide que o Concello reconverta o Plan Provincial de obras e se destine a Axudas Sociais para a xente que máis o necesita. Así mesmo, propoñemos establecer un consenso sobre aqueles eventos que a día de hoxe non se van poder realizar e cuxas partidas poden ser trasladados parcialmente a axudas sociais.

O obxectivo que se marca Ribeiro en Común con este BONO de Compra a Parados é dobre: por un lado axudar a aqueles veciños que máis o precisan nestes duros momentos, por outro lado estimular o comercio local e o consumo en Ribadavia xusto no momento no que os autónomos comezarán a reactivar a súa actividade.

Por outra banda, desde Ribeiro en Común pedímoslle ao goberno municipal que se faga de oficio unha ampliación das licencias municipais de terraza para o sector da hostalaría, sen custo para os propietarios dos negocios, e axustándoo este incremento ás medidas de seguridade e distancia social dispostas na regulación estatal. O obxectivo é favorecer ao sector da hostalaría.

No Pleno Municipal, do pasado día 7 de maio, as nosas propostas de aprobar unha liña de emerxencia social ao mesmo tempo que de aprobar unha axuda por tramos progresivos a autónomos en función das súa renda, quedaba sobre a mesa e aprazada por falta de aceptación do goberno local.

Hoxe sen embargo, na Xunta de Portavoces, o goberno accedía ás peticións de Ribeiro en Común.

Parabenizamonos por este cambio de actitude do goberno que o levan a aceptar as nosas peticións de crear liñas de emerxencia social e axudas a autónomos máis xustas foran finalmente aceptadas.

Recordamos que o pasado xoves o goberno local quixo aprobar unha liña de axudas sen consensuar e na que tiña recortado e eliminado a nosa proposta de Plan Social de axudas a parados. Pleno no que tivo que adiar e pospoñer a súa votación ao quedar en minoría no Pleno.

Agora ven de rectificar, e ademais de aceptar esta proposta de ReC e de dialogar con todos os grupos sobre os criterios de reparto xusto e igual, tamén ven acepta convocar unha Mesa de Diálogo e traballo co tecido asociativo empresarial e de sindicatos, tal e como defendemos no pasado Pleno municipal os grupos de PSOE de Ribadavia e Ribeiro en Común.

Non podiamos comprender que nunha situación de crise tan grave desde o Concello se destinara diñeiro público a axudas lineais que non tiñan en conta nin a renda de autónomos e parados nin a súa capacidade económica.

Polo que nos parabenizamos desta rectificación do goberno local en minoría.