Nota da Garda Civil: detecta a unha condutora circulando a 216 kms por hora na AG-31 á altura da Manchica

IES CHAMOSO LAMAS

Na tarde do martes Axentes pertencentes ao Subsector de Tráfico de Ourense rexistraron no seu cinemómetro unha velocidade de 216 km/ h no momento no que un vehículo Mercedes C-220 pasaba por un punto de control de radar establecido no quilómetro 3.100 da AG-31 en sentido Portugal.
O vehículo tomaría a saída do punto quilométrico 5 con dirección á poboación da Manchica, non chegando así ao momento de control e verificación previsto por condicións de seguridade do tráfico no quilómetro 7.
Por este motivo fíxose necesario activar varios equipos de tráfico na zona para a localización do vehículo e identificación do condutor, así como para verificar que circunstancias puidesen ser atribuíbles ao ilícito mencionado, ou aqueloutras posibles que puidesen ser susceptibles de seguir xerando situacións de risco, xa que como puido constatar o Instituto Armado, recentemente nun rexistro de radar recente detectouse un vehículo circulando a 170 km/ h cuxo condutor arroxou positivo indiciario en consumo de drogas.

Tras as xestións oportunas a través da Central Operativa de Tráfico foi posible contactar telefonicamente coa titular do vehículo, unha muller de 32 anos veciña de Reboredo, quen accedería a entrevistarse posteriormente cun equipo especializado no seguimento de delitos viarios.
A muller recoñeceu #ante os Axentes ser responsable dos feitos constatados, manifestou que se dirixía a un taller da lavado de vehículos na localidade da Manchica, lugar no que deixaría o seu vehículo a demanda dun dos servizos de limpeza do establecemento.

HIPER MASIDE

Ao lugar se desprazarían Axentes para tomar manifestación ao encargado do local, quen confirmou que o citado vehículo tivo entrada no seu establecemento ao redor da hora dos feitos.
Durante a primeira entrevista non se evidenciaron na muller signos de consumo de alcol ou drogas, e descartouse intencionalidade por parte da condutora de eludir o control policial.
Tras esta primeira entrevista, coa que resultou ser a condutora no momento dos feitos, esta desprazouse voluntariamente a dependencias de Atestados do Subsector de Tráfico de Ourense para a correspondente confección de dilixencias que serán remitidas ao Xulgado de Celanova #ante cuxa Xuíz deberá responder por un delito contra a seguridade viaria ao superar en 96 quilómetros por hora o límite de 120 km/ h no tramo de vía apuntado.
As penas previstas polo noso Código penal para este tipo de delito están contempladas no Artigo 379.1 con ata 6 meses de privación de liberdade, multas a razón de 3 a 6 meses , ata 90 días de servizos comunitarios en inhabilitación para conducir de 1 a 4 anos.