A ampliación da mobilidade é unha demanda contínua do presidente da Xunta e tamén de moitos rexedores de municipios limítrofes. Destacaba o caso do de Cortegada que está a menos dun quilómetro da parroquia de San Pedro de Filgueira do municipio de Crecente, xa na provincia de Pontevedra.
VIDEO
Algún dos seus veciños xa foron multados por ir a Cortegada a facer a compra ou ir ao médico ou ao banco. E sucederonse así situacións cando menos estranas, de veciños, por exemplo, multados por repostar o vehículo nunha gasolineira que a pesar de estar a menos dun quilómetro do municipio xa pertencía a outra provincia.
O BOE desta fin de semana recolle a permisión da mobilidade interterritorial entre municipios colindantes de tránsito habitual para a realización de actividades socioeconómicas. O que flexibiliza a mobilidade a concellos coma Beariz, Cea, O Irixo, Piñor, Arnoia, Avión, Carballeda de Avia, Cortegada, Melón e Ribadavia.
