O XII Festival de Títeres, que comeza hoxe, luns, 17 de agosto, e que estaba previsto celebrarse na explanada do parque municipal, cambia a súa ubicación para o pavillón do colexio da Uceira, no que terán lugar todas as sesións.
Trátase dunha medida motivada pola mala previsión meteorolóxica para esta semana, que impide desenvolver as actividades ao aire libre. O programa non varía, nin tampouco o horario do comezo das sesións, que será ás 19h. Haberá aforo limitado polo cumprimento da normativa de separación e seguridade polo coronavirus.
O festival conta coa colaboración da Deputación Provincial de Ourense, e a entrada aos diferentes espectáculos e actividades será completamente gratuíta.
Día 18: GYROVAGUS + obradoiro de monicreques – Micromina Títeres
Día 19: XAN DAS ONDAS + obradoiro de monicreques – Barafunda
Día 20: O SHOW DE BARALLOCAS – Marionetas Trécola
Día 21: ESTRAFALARIA + xornada de xogos – Xarope Tulú
Diego Fernández, concelleiro de Cultura, asegura que é unha actividade segura, na que se cumplen todas as medidas e será unha forma diferente de ocio para os máis pequenos.