Co inicio do curso escolar, o concello do Carballiño pon en marcha un programa de desinfección dos accesos aos centros educativos. Esta desinfección levarase a cabo polo Grumir diariamente na totalidade dos centros educativos, así como na Galiña Azul.
Este programa de desinfección, que tamén se levará a cabo nos accesos aos institutos desde o comezo das clases, ten como obxectivo manter desinfectadas as zonas peonís de acceso aos centros educativos cada mañá antes do inicio da xornada escolar.
Nos pasados días, o servizo municipal de emerxencias realizou tamén labores de desinfección nas zonas de xogo, neste caso no centro educativo Calvo Sotelo.
