- O novo representante do Goberno autonómico analizou cos rexedores de ambos municipios os temas relacionados coa administración autonómica
O delegado territorial da Xunta en Ourense, Gabriel Alén Castro, continúa coa súa rolda de encontros institucionais tras tomar posesión como novo representante da administración autonómica na área territorial.
Nesta ocasión, reuniuse co alcalde do concello de Arnoia, Rodrigo Aparicio, co alcalde do concello de Padrenda, Manuel Pérez, e coa alcaldesa do concello Boborás, Patricia Torres, cos que analizou as principais demandas destes municipios en relación á Administración autonómica.
Así, durante a xuntanza fixeron repaso dos grandes proxectos e necesidades que dependen da Xunta de Galicia.
