A comarca baixa hoxe o número total de casos activos de coronavirus ata os 90, unha cifra que baixa notablemente pola evolución de varios concellos, baixando da barreira dos 100 casos.
Nesta vila, hoxe os datos baixan ós 56, cinco casos menos ca onte. Se nos fixamos nos novos contaxios producidos nos últimos 14 días, a cifra baixa ata os 53.
San Cristovo de Cea baixa un caso ata os 10 contaxios. O seguinte concello da comarca con mais casos é o de Maside, que baixou ata os 9 (-1) contaxiados. Boborás mantén os datos de onte, con 8 contaxios. Punxín mantén os 5 contaxios. Piñor e O Irixo contan cun caso activo. Beariz mantense libre de coronavirus e súmase a este o concello de San Amaro, que tamén está libre de virus.
