A comarca baixa hoxe o número total de casos activos de coronavirus ata os 47, unha cifra que baixa notablemente pola evolución de varios concellos.
No Carballiño, hoxe os datos baixan ós 29, tres casos menos ca onte. Se nos fixamos nos novos contaxios producidos nos últimos 14 días, a cifra baixa ata os 27. Este municipio sufriu un descenso notable, sobre todo na última semana.
Boborás é o seguinte concello con maior número de casos, un total 6, os mesmos ca onte. Ségueo Maside, que suma hoxe un caso activo para ter 5 contaxiados. Punxín e San Cristovo de Cea teñen hoxe tres casos cada un, ambos restando un caso con respecto a onte. O Irixo conta cun caso activo. Beariz, Piñor e San Amaro están libres de coronavirus.
