A comarca baixa hoxe o número total de casos activos de coronavirus ata os 23, unha cifra que se balancea pola evolución de tres concellos.
No Carballiño, hoxe os datos soben dos 13 casos de onte ós 15, dous positivos máis. Na última semana, aínda que os datos pasaban dos 20 casos, a tendencia cambiou e comezou a descender, un ritmo que se rompe hoxe. O pasado sábado pola mañá realizouse un cribado no Paco Chao, cuxo resultado non deixou ningún positivo novo.
O Irixo rexistrou un brote familiar esta fin de semana que sobe hoxe ós 5 casos activos, dous máis ca onte. Maside mantén 4 casos activos, logo de varios días de baixada na pasada semana. Acompañando este descenso, Maside pasa o nivel alto, o que supón a reapertura da hostalaría son en terrazas co 50% de aforo, peche as 21:00 horas, mobilidade entre concellos e reunións de máximo catro persoas en interiores de espazos públicos e seis en exteriores. Boborás mantén un caso activo, a mesma cifra ca onte.
E os demais concellos, Beariz, Piñor, Punxín, San Cristovo de Cea e San Amaro están libres de coronavirus.
PUBLICIDADE
