Os populares consideran que cómpre levar a cabo unha serie de actuacións na área para mellorar a experiencia dos visitantes.
O grupo municipal do Partido Popular de Ribadavia denuncia presenta unha moción para o seu debate no pleno do mes de xullo na que se insta ao goberno a levar a cabo varias actuacións de mellora na área municipal de autocaravanas de Ribadavia, sobre todo tendo presente que coa chegada do verán o número de visitantes desta área medra exponencialmente.
As actuacións que suxiren os populares van encamiñadas en tres liñas fundamentais. En primeiro lugar necesítase colocar alumeado público na zona para mellorar a seguridade e a visibilidade dos usuarios. Por outra banda cómpre reforzar a dotación de contenedores de lixo na zona para dar un mellor servizo e favorecer a reciclaxe. E, por último, os populares solicitan a instalación dun sistema de recarga de electricidade previo pago, para dese xeito mellorar a experiencia dos visitantes e camiñar tamén cara a sustentabilidade e ao autofinanciamento da propia área de autocaravanas.
Os populares consideran que a área de autocaravanas está acollendo cada vez mais visitantes, polo que se fai necesario levar a cabo estas actuacións de mellora do entorno para garantir unha mellor experiencia aos usuarios e, ao tempo, trasladar unha mellor imaxe de Ribadavia a todas aquelas persoas que nos visitan.