O presidente da Xunta de Galicia compareceu esta mañá para dar conta das medidas acordadas polo comité clínico na reunión mantida onte pola tarde. A situación epidemiolóxica de Galicia esixe medidas restritivas acordes ás características desta quinta onda.
NIVEIS DOS CONCELLOS OURENSÁNS
Hai sete concellos galegos que pasan a nivel máximo de restricións, entre eles, na provincia de Ourense, O Barco de Valdeorras. Isto supón un aforo do 30% no interior e do 50% en exterior. Esixirase un test diagnóstico negativo para o acceso.
En nivel alto pasan os concellos do Carballiño e Avión, e mantéñense Ourense e Barbadás. Isto supón un aforo do 50% en interior e do 50% en exterior. Solo será necesario presentar o certificado de vacunación ou test negativo en interiores, en exterior no é obrigatorio.
Boborás sube ó nivel medio, o que supón un aforo do 50% en interior e 50% exterior. Non é obrigatorio presentar test diagnóstico negativo.
NOVAS MEDIDAS
Quedan prohibidas as reunións entre non conviventes de más de 6 persoas en interior e de 10 persoas en exteriores.
O comité clínico decide pedir estas probas diagnósticas para non ter que pechar a actividade do sector nos concellos en nivel alto ou máximo. Pódense presentar tres documentos: certificado de vacinación, PCR negativa nas últimas 72 horas ou ter pasado a covid. Os menores de 12 anos están exentos de presentar estes documentos.
O ocio nocturno queda pechado no nivel alto e máximo. e tamén quedan prohibidas as reunión de persoas non coviventes dende as 01:00 horas ata as 06:00 horas nos niveis alto e máximo.
