Morre un mozo de Ribadavia nun accidente de coche en San Cibrao das Viñas

Un mozo de 28 anos, natural de Ribadavia, faleceu esta mañá na N-525, ao seu paso por San Cibrao das Viñas, tras caer co seu coche desde a ponte do Piñeiral cara á estrada nacional.

O accidente produciuse ao redor das 4.30 horas da madrugada cando o mozo, por circunstancias que aínda se están a investigar, derrubouse desde a ponte cara á estrada nacional sen que a baranda puidese frear a caída.

AVANTAR ACTIVIDADES

Ao lugar do accidente desprazáronse unha unidade da Garda Civil de Tráfico, un camión de bombeiros de San Cibrao das Viñas e outro do GES de Pereiro de Aguiar, así como unha ambulancia medicalizada do 061.