Tiruleque amplía o prazo de presentación de obras para a Mostra ata o día 15 de xuño

IES CHAMOSO LAMAS

O Grupo de Teatro Tiruleque acordou ampliar o prazo para solicitar a participación na Mostra de Teatro Amador “Terras do Orcellón”, da data inicial do 1 de xuño ao día 15 de xuño.

Na presente edición as actuacións ábrense a dúas modalidades diferentes: unha xa tradicional de espectáculo único, e unha nova sección para obras de microteatro. Cada grupo seleccionado para as obras tradicionais percibirán cincocentos cincuenta euros pola súa actuación, e os socios da Federación Galega de Teatro Afeccionado setecentos euros. Cada grupo seleccionado para as obras de microteatro percibirán a cantidade de douscentos cincuenta euros pola súa actuación.

HIPER MASIDE

Son requisitos imprescindibles que as obras estean interpretadas no idioma galego, que as de formato tradicional teñan unha duración mínima de 60 minutos, e de 90 minutos como máximo e as de microteatro entre 15 e 20 minutos e que os grupos participantes sexan afeccionados.