O Real Mallorca comezou neste 2022 co proxecto de remodelación do estadio de Son Moix e que rematará en xaneiro de 2024. Este 5 de maio realizou o acto de inicio das obras de reforma.
Os traballos desta primeira fase consistirán na execución dunha nova bancada só na parte baixa da bancada do Sol, cunha nova inclinación co fin de achegar aos espectadores a tan só 8,5 metros do terreo de xogo.
A empresa do Grupo Dizmar, situada no parque empresarial da Uceira, no Carballiño, é a encargada da realización da nova cuberta da Tribuna Sol. Non é a primeira vez que grandes proxectos confían nesta empresa da vila, xa que temos que recordar que no 2020 rematou en 25 días a construción da estrutura metálica do novo Hospital Pandémico de Madrid.
A planta de Dizmar no Carballiño conta cun plantel de 200 traballadores e actualmente desenvolve proxectos para Ghana, Uruguai, Estados Unidos e Canadá, ademais de ser un piar fundamentar de desenvolvemento económico e de postos de emprego para xente da contorna.
