Manuel Osorio demanda do concello de Cartelle iniciar a adecuación territorial da parroquia de Sande mediante a agrupación, redimensionamento e mellora de estruturas e infraestruturas.
O concelleiro do BNG de Cartelle, Manuel Osorio, ven rexistrar ante o concello unha moción na que demanda incialos trámites para o proxecto de estruturación parcelaria da parroquia de Sande.
Os nacionalistas deste concello tamén demandan inicialos estudos técnicos de viabilidade pertinentes en dita zona co compromiso formal de sometela actuación proposta a unha avaliación ambiental previa polo órgano ambiental competente, tendo en conta, as medidas protectoras, correctoras e compensatorias de carácter ambiental.
O edil nacionalista sinalou que desde fai anos estase desenvolvendo a estruturación territorial agraria e forestal, mediante concentracións parcelarias en moitas parroquias do concello de Cartelle, porén a parroquia de Sande estase deixando esquecida deste proceso, “de maneira un tanto discriminatoria”.
A parroquia de Sande conta cuns elevadísimos valores territoriais, agrarios, gandeiros, forestais, medioambientais, patrimoniais e paisaxísticos, que a día de hoxe atópanse nun elevado risco ambiental polo seu estado de abandono.
É unha necesidade primordial, declarou Osorio, potenciar a súa conservación e permanencia a través da reorganización espacial e funcional da súa estrutura territorial existente, de acordo cos criterios dunha ordenación adecuada e sostible dos seus aproveitamentos, cualesquera que sexan, para facer rentábel e viable a actividade produtiva, e que sirvan de freo o despoboamento do medio rural.
Desde o BNG de Cartelle esíxeselle a alcaldía iniciar un proceso de información pública de cara a veciñanza de Sande, “é preciso explicarlles os tramites do procedemento de concentración estrutural parcelaria á veciñanza” dí Osorio, ” así como informalos do calendario estimado para a materialización das distintas fases do procedemento.
Sobre todo, di o voceiro do nacionalista de Cartelle na moción presentada ao concello, é preciso garantir a conformidade de toda a veciñanza afectada, polo que se fai preciso unha recollida de sinaturas que garanta día conformidade.