A Feira Festa da Pepa Loba retoma a súa celebración tras a pandemia ca súa 26ª edición. O evento celebrarase este próximo venres, sábado e domingo, cunha gran variedade de actividades e adicado ás menciñeiras e curandeiras.
Este ano presentan moitas novidades. Mañá venres abrirá o mercado artesanal ás 18:00 horas, con venta e exposición de mercadorías, arte e artesanía. A esta mesma hora haberá xogos populares.
As 20:00 horas, terá lugar a homenaxe deste ano ás menciñeiras e curandeiros, ca intervención da herbeira Rosa Iglesias, arqueólogo Felipe Senén e a divulgadora Ana Isabel Rodríguez. Estará amenizado polo cantautor Andrés Fernández. E como remate do día, ás 24:00 horas, na fonte de Flores, con conxuro, queimada popular e ofrecemento da Auga Máxica de Flores.
