O espazo cultural da Insua dos Poetas, na Esgueva, Madarnás, acollerá mañá sábado unha homenaxe polo 111 aniversario do nacemento de Álvaro Cunqueiro. Comezará ás 10:00 horas, co desenvolvemento dunha peza escultórica creada para a ocasión e ca intervención da Real Banda de Gaitas da Deputación de Ourense.
Seguidamente, ás 11:00 horas, contaremos ca actuación musical de Amancio Prada. Para rematar a xornada haberá unha degustación ó mediodía de pulpo á feira, pan do Irixo e viño do Ribeiro.
