“A Nai”, homenaxe as Irmais Touzas” será o titulo do mural. A súa ubicación será no barrio da Estación, na parede medianeira do antigo Hostal Alfonso, edificio situado nunha das entradas á Ribadavia, entre a estación de Tren e o Convento de San Francisco. O deseño foi supervisado e aprobado pola Comisión do PERI o pasado venres, e realizarase polo artista urbano jotapé,”JP”. O Concello é o promotor desta acción con varios obxectivos: continuar coas actividades de Memoria Histórica de Ribadavia e coa posta en valor e difusión do legado das Irmás Touza, así como a reivindicación da muller Acción coordinada entre dúas concellarías, a de mocidade e cultura do Concello de Ribadavia, en colaboración coa “Asociación Interplusvalía” e o “Proyecto Confluencias y fronteras” a través da OMIX. Esta acción situase dentro do proxecto artístico e educativo “Confluencias e fronteiras” e foi lanzado por Elisabeth BOURDON, cidadá bretoa que estivo en varios intercambios do IES Ribeiro na súa adolescencia, o que lle valeu para coñecer o noso territorio e pretender valorizar o sincretismo, as referencias culturais, históricas, linguísticas e gastronómicas que compartimos en Bretaña, Galicia e o Norte de Portugal. O obxectivo é converter este acto e estas figuras históricas das Irmás Touza en símbolos poéticos, universais, que trascenden as fronteiras, e que sendo de épocas diferentes son capaces de transmitir valores como valentía, xustiza e amor.
Cristina Otero Alonso, Concelleira de xuventude, e Paula Rodríguez, concelleira de Cultura, agradecían a labor de coordinación da Oficina de Información Xuvenil (OMIX) de Ribadavia, como entidade a través da que se canaliza esta acción. Desde o Concello de Ribadavia continuaremos poñendo en valor o legado das Irmás Touza e a Memoria Histórica como forma de divulgar os valores tan necesarios para un mundo mellor.
