A procesión do domingo de ramos percorrerá as rúas Evaristo Vaamonde, Conde Vallellano, Curros Enríquez e rúa Antonio Palacios ata a praza da Veracruz, onde se bendicirán os ramos e as palmas.
A segunda das procesións de Semana Santa terá lugar este domingo, 2 de abril, ás 11,15 h. Partirá do Templo da Veracruz e proseguirá polas rúas Evaristo Vaamonde, Conde Vallellano, Curros Enríquez e Antonio Palacios, e rematará na Praza da Veracruz, onde terá lugar a bendición dos ramos e as palmas.
A procesión irá acompañada pola Banda da Brigada Lixeira Aerotransportable “Galicia VII”, e contará cos pasos de “A borriquiña”, o Neno hebreo e San Xoán apóstolo.
