O Carballiño, 4 de abril de 2023.- A terceira das seis procesións programadas pola Cofradía da Vera Cruz para esta Semana Santa celebrarase este Xoves Santo, 6 de abril, e terá como protagonista o paso do Noso Señor da Sentencia e a Misericordia.
A procesión sairá do Templo da Veracruz ás 20,30 h e percorrerá a rúa dos Canteiros, Aldara, Praza Maior, Cesáreo Tizón, Vulcano, Tomás Mª Mosquera, Rosalía de Castro, Curros Enríquez e Antonio Palacios, para rematar no Templo da Veracruz.
Na cabeza da procesión figurará a Cruz Franciscana de Santa María de Mesego, custodiada por nazarenos da Cofradía, e estará acompañada pola sección de tambores da Legio VII Civitas Limicorum.