O Centro Cultural Marcos Valcárcel acolleu esta tarde a inauguración da exposición “Escoitar cos ollos. Arte e Loucura”, unha mostra na que se fai un percorrido polos traballos artísticos realizados como terapia psiquiátrica dende os anos 60, primeiro en Toén e, actualmente, no Hospital de Piñor.
Esta exposición, impulsada polo Centro Cultural Marcos Valcárcel en colaboración co servizo de psiquiatría da Área Sanitaria de Ourense, Verín e Valdeorras do Sergas, está comisariada por Marta García e estará aberta ata o vindeiro 25 de xuño.
O vicepresidente primeiro da Deputación, Rosendo Fernández, participou na inauguración da mostra acompañado polo presidente do Parlamento, Miguel Santalices; o conselleiro de Sanidade, Julio García Comesaña; a xefa do servizo de Psiquiatría de Piñor, María Jesús Gómez; a comisaria da exposición e o director do centro cultural, Francisco González.
O proxecto rende homenaxe a labor realizada no hospital de Toén cos enfermos psiquiátricos e recolle traballos elaborados polos propios doentes, tanto nos seus obradoiros como no propio servizo de psiquiatría.
