A confección de candidaturas está regulada nos estatutos mediante un proceso no que cada órgano desenvolve un papel diferente antes de que o comité federal escolla as definitivas o 10 de xuño
O PSdeG-PSOE ourensán destaca que o proceso “está a desenvolverse con absoluta normalidade e conforme ás normas dos estatutos do PSOE, co fin de acadar candidaturas sólidas, fortes e gañadoras”
Coles, 7 de xullo de 2023. O comité provincial do PSdeG-PSOE de Ourense, o máximo órgano dos socialistas ourensáns entre congresos, vén de aprobar por unanimidade as propostas de candidaturas para os procesos electorais que se celebrarán o vindeiro 23 de xullo. Así pois, nunha xuntanza extraordinaria celebrada na tarde de hoxe en Coles, o comité acordou a aprobación unánime da proposta de candidaturas presentada pola Executiva Provincial para o Congreso dos Deputados e o Senado, pendentes de ratificación polo comité federal, respectando as propostas recibidas das diferentes asembleas municipais de toda a provincia.
A partir de agora, corresponde ás estruturas superiores do partido concretar e aprobar as candidaturas definitivas, mediante un proceso que, para as eleccións xerais do 23 de xullo, concluirá o vindeiro domingo día 10 de xuño, no comité federal do que sairán as candidaturas do PSOE para toda España. A confección destas candidaturas está regulada nos estatutos mediante un proceso no que cada órgano desenvolve un papel diferente antes de que o comité federal escolla as definitivas.
Estas son propostas de candidaturas ás Cortes Xerais aprobadas polo comité provincial hoxe, ordenadas segundo o número de propostas recibidas das diferentes asembleas municipais de toda a provincia:
| CONGRESO | SENADO |
| Martín Rodríguez Margarita | Rodríguez Villarino Rafael (titular 1) |
| Pérez Abellás Adolfo | Iglesias Gil María Alida (titular 2) |
| Tizón Vázquez Uxía | Gulín Iglesias Luis (titular 3) |
| López Fernández Borja | Bautista Carballo Miguel (suplente 1) |
| Blanco Rodríguez Noela | Rego López José Manuel (suplente 1) |
| Nóvoa Fernández Celso | González Álvarez Catalina (suplente 1) |
| Martínez Rodríguez Rosa | Rodríguez Estévez Susana (suplente 2) |
| Rodríguez Ojea Miguel Ángel | Rodríguez Castro Jesusa (suplente 2) |
| Basalo Gómez Celso (suplente 2) |
O PSdeG-PSOE ourensán destaca que o proceso “está a desenvolverse con absoluta normalidade e conforme ás normas que marcan os estatutos do PSOE, que conceden ás asembleas municipais e ás agrupacións provinciais a capacidade de facer propostas sen carácter vinculante”, co fin de acadar “candidaturas sólidas, fortes e gañadoras que conten co máximo apoio da militancia e de toda a cidadanía”. “As próximas candidaturas socialistas de Ourense permitirán, sen dúbida, gañar as eleccións xerais de xullo, para que Pedro Sánchez siga sendo o presidente do Goberno, reforzando á nosa provincia nas Cortes Xerais de España, e tamén servirán para impulsar a presenza do PSOE en todas as corporacións locais, presentando ós mellores candidatos e candidatas”, conclúen.
