A Garda Civil do Carballiño, detivo ás 10.00 horas do pasado 12 de xullo a un veciña de Carballino, de 39 anos, de nacionalidade venezolana, como presunta autora dun delito contra a saúde pública-tráfico de drogas.
A investigación comezou hai 3 meses, despois de que a Garda Civil coñecese a posible venda polo miúdo de droga nun domicilio da localidade carballiñesa.
Tras realizar varias indagacións, a Garda Civil puido comprobar como a detida viaxaba nun vehículo ata Pontevedra, e regresaba a Carballiño. Durante a mañá de onte e nunha desas voltas a Carballiño, procedentes de Pontevedra, axentes da Garda Civil interceptaron o seu vehículo, e tras realizar un rexistro atoparon escondidos no interior do respaldo do asento, 57 gramos de cocaína.
A Garda Civil solicita ao Xulgado de Instrución de Carballiño a entrada e rexistro no seu domicilio, onde se incautaron 20 gramos de cocaína (repartida en doses, preparada para a súa venda), así como 1.000 euros en metálico, medicamentos do xulgado de drogas e instrumentos de pesaxe e envases. A detida ten antecedentes polo mesmo delito e pasará a disposición do Xulgado de Instrución 2 de Carballino.
