O Carballiño celebra mañá o Día do Pilar, a patroa dos corpos e forzas de seguridade. A igrexa da Veracruz acollerá unha misa presidida polos homexaneados neste día, a Garda Civil, Policía Local e Protección Civil e os funcionarios de correos. Tamén estará presidida pola corporación municipal liderada polo alcalde, Francisco Fumega e membros dos grupos da oposición. Os actos relixiosos darán comezo ás 12:30 horas.
O acompañamento musical deste ano correrá a cargo do Coro de Cámara Música Viva do Carballiño.
