>> Esta mañá fíxoselle entrega do cheque por ter mercado un coche nesta cita, un Mercedes Benz Clase GLA 200 D
>> Foille entregado polo asesor comercial de Louzao Ourense, o concesionario que vendeu o vehículo premiado, e polo director xerente de Expourense
Ourense, 04.12.23.- María Jesús Pájaro López, veciña de Trives, recibiu esta mañá no concesionario Louzao de Ourense o cheque desconto de 6.000 euros que gañou ó mercar un vehículo e participar así no sorteo promovido pola Asociación de Concesionarios de Automóbiles de Ourense (A.C.A.U.T.O.) e Expourense durante o 14º Salón do Automóbil Vehículo Novo e Vehículo de Ocasión) que se celebrou durante dúas fins de semana do mes de novembro.
Como xa é habitual, un dos principais atractivos desta cita era este desconto de 6.000 euros entre todos aqueles que mercaran o seu coche, tanto no salón do automóbil novo como no de ocasión. Entre os 266 vehículos vendidos, A.C.A.U.T.O. realizou o pasado28 de novembro o sorteo ante Notario que deu como gañadora a María Jesús Pájaro López, que mercou en Expourense un Mercedes Benz Clase GLA 200 D novo no stand do concesionario oficial da marca na provincia, Louzao Ourense.
Hoxe fíxoselle a entrega do cheque desconto cuxa contía económica é achegada entre A.C.A.U.T.O. e Expourense. Foille entregado polo asesor comercial de Louzao, Rafael Estévez, e polo director xerente de Expourense, Rogelio Martínez.
