A directora xeral de Administración Local, Natalia Prieto, realizou hoxe unha visita institucional a Cortegada para coñecer de primeira man as necesidades do concello no marco do apoio ao eido local.
No percorrido visitouse a Casa do Concello, onde se instalou un ascensor para garantir a accesibilidade, e o pavillón municipal, no que se cambiaron a cuberta e as luminarias a prol dun mellor illamento e do aforro enerxético.
