A Deputación de Ourense reforzará a colaboración existente coa Federación de Comercio, tal e como quedou de manifesto trala reunión que mantivo o presidente provincial, Luis Menor, coa presidenta deste colectivo, Beatriz Gómez.
Menor recalcou que no encontro quedou de manifesto a importancia do sector do Comercio Local para o desenvolvemento da provincia, “por iso mantemos e reforzaremos a cooperación cun sector que é estratéxico sobre todo na cidade e nas vilas, que é onde está máis desenrolado”.
Á reunión co presidente provincial acudiron a presidenta da Federación de Comercio, Beatriz Gómez; así como o vicepresidente primeiro do colectivo, Camilo Sotelo.
