A organización da 29 edición do OUFF xa está en marcha. Hoxe tivo lugar na Deputación a primeira reunión de coordinación entre o equipo do Festival de Cine de Ourense e o presidente provincial, Luis Menor, dado que a institución é a propietaria e máxima responsable deste certame, o máis importante de todo o ciclo cultural anual na provincia e o festival de referencia en Galicia.
Á reunión asistiron Miguel Anxo Fernández, Aurelio Gómez Villar, Xosé Manuel Rodríguez e Antonio Piñeiro como representantes da organización do 29OUFF.
Nesta primeira reunión de traballo xa se puxeron de manifesto cuestións fundamentais como as datas do certame (do 27 de setembro ao 6 de outubro), ademais da previsión de actividades que se desenvolverán durante a celebración do festival.
