O concello de Cenlle celebrou onte domingo a 13ª edición da súa andaina solidaria. Neste caso, os fondos recaudados serán para o proxecto “Infancia con dificultades” da Cruz Vermella. Un total de 600 persoas animáronse a participar nesta proba, aproveitando o bo tempo. A alcaldesa Rebeca Sotelo, detallounos cal é o percorrido, que tivo que ser modificado nalgúns tramos con respecto ás anteriores edicións, xa que algunhas zonas aínda se atopaban inundadas polas choivas das pasadas semanas.
Saíron ás 9:30 horas no Campo de Fútbol de Cenlle, con dúas opcións de percorrido: unha ruta curta de 11 kilómetros e unha ruta longa de 18 kilómetros. Son moitos os que repiten ano tras ano, motivados pola boa organización e por estar xa consolidada no calendario. Un ano máis, foi todo un éxito de participación e de organización.
