O actual mandato de Argimiro Marnotes remataría o vindeiro 2 de xullo, pero o adianto das eleccións débese á necesidade de que a nova presidencia e a súa directiva tomen as decisións oportunas para a próxima tempada con suficiente antelación.
O actual presidente, Argimiro Marnotes, acaba de convocar as eleccións para o día 16 de maio de 2024. Este adianto electoral responde á percepción da actual presidencia e directiva de que é crucial saber con antelación quen estará ao frente do club, para a toma de decisións deportivas e orzamentarias para a próxima tempada. Non é viable agardar ata o fin do mandato actual, que sería o 2 de xullo de 2024, xa que sería tarde para tomar decisións importantes, especialmente tendo en conta a consolidación da permanencia na categoría 1ª RFEF.
A asemblea para a elección da nova presidencia terá lugar o 16 de maio na Casa da Cultura, e os candidatos poderán ser os socios maiores de idade que presenten as súas propostas antes das 20:30 horas do día 15 de maio de 2024 ao enderezo de correo electrónico cdarenteiro@gmail.com
C.D. Arenteiro. – Rúa de Cabanelas s/n – Estadio de “Espiñedo”. – www.cdarenteiro.es / cdarenteiro@gmail.com
