A Deputación participa nun proxecto europeo para abordar solucións común na prevención de incendios forestais

II EDICIÓN COCHES CLÁSICOS NO IRIXO

O deputado de Innovación, Jorge Pumar, representou á institución provincial na presentación desta iniciativa a cargo da conselleira do Medio Rural, María José Gómez, acompañada polo director xeral de Defensa do Monte, Manuel Rodríguez

No proxecto europeo Interreg Sudoe USE4FOREST participan entidades e administracións de España, Francia e Portugal

XUNTANZA DE CLÁSICOS NO IRIXO

Santiago de Compostela, 8 de xullo de 2024.

A Deputación, representada polo deputado de Innovación, Jorge Pumar, participou esta mañá na presentación do proxecto europeo Interreg Sudoe USE4FOREST, no que participan entidades e administracións de varias comunidades autónomas e dos países do suroeste europeo: España, Francia e Portugal. O obxectivo deste proxecto é abordar solucións comúns na prevención de incendios forestais que afectan a estes países.

Tal e como explicou o deputado provincial na presentación, “a Deputación de Ourense espera contribuir á loita contra incendios no seu territorio, ameazado por lunes de cada vez maior tamaño, e cuxa gravidade vese incrementada polo envellecemento poboacional e o despoboamento”.  Tamén se puxo de manifesto que a Deputación implantará o establecemento de cortalumes produtivos no Barco de Valdeorras e o testeo da planificación preventiva e intervención rápida na provincia.

O proxecto USE4FOREST aglutina a diversas entidades e administracións de España, Francia e Portugal, co fin de afondarán nunha estratexia para a prevención de incendios no territorio Sudoe mediante a mellora dos espazos forestais. O proxecto estará vixente ata decembro de 2026 e conta cun investimento total de case tres millóns de euros.

Con respecto ás entidades españolas que participan no proxecto, aparte da Consellería do Medio Rural, están a Escola de Enxeñaría Forestal da Universidade de Vigo; a Deputación de Ourense;  a Junta de Castilla y León; a Hazi Fundazioa; a Fundación Tecnalia Research & Innovation e o Eixo Atlántico do Noroeste Peninsular.