O ‘Festival de Habaneras’ acadou este sábado a súa 30ª edición da man do Orfeón do Carballiño. Este evento inundou o Auditorio Manuel María, cheo como cada ano, de sons doutros países do outro lado do Atlántico, entre todos predominan as habaneras.
Preto dun centenar de voces foron os protagonistas. Comezou a Coral Polifónica de Arbo, que conta con 30 membros; continuando un dos grupos clásicos deste festival, que é a Rondalla Alfaia de Cenlle, con 18 membros; tamén tivo lugar a actuación da Coral Ars Cantorum de Guillade (Ponteareas), con 24, e pechou o acto o grupo anfitrión, o Orfeón do Carballiño, con 25 coralistas, baixo a dirección de Christian Casas.
Para a coral organizadora, este evento é importante e tamén para O Carballiño, sinalando que naceu ao mesmo tempo que o Orfeón, que cumpriu 31 anos, só se interrompeu no ano da pandemia. Cada ano se homenaxea a unha persoa relacionada co colectivo, e nesta ocasión foi para Serafín López, quen subiu para pechar o acto.
