Un plan de emprego para persoas mozas reparará a senda peatonal do río Arenteiro no Carballiño, con traballos de renovación e mantemento nas zonas afectadas pola climatoloxía. Hoxe estivemos co alcalde do Carballiño, Francisco Fumega, quen nos contou un pouco máis sobre esta iniciativa.
Os Concellos de Carballiño, Maside e Boborás lideran de maneira conxunta a solicitude do programa de emprego para xoves, unha iniciativa coa cal se busca acondicionar a senda peatonal do río Arenteiro. Os traballos se centrarán fundamentalmente na reposición dos elementos deteriorados en diferentes zonas da senda, que empezan a mostrar problemas estruturais e de mantemento.
Ademais do acondicionamento da senda peonil do río Arenteiro, o proxecto permitirá realizar outras actuacións, como o melloramento das zonas verdes con actuacións de axardinamento. Trátase do primeiro plan laboral dirixido en exclusiva para os xoves concedido ao Concello. O seu obxectivo é facilitar a inserción profesional das persoas mozas no mercado laboral, en traballos de carpintería e xardinería.
A solicitude de participación nestos programas duais de emprego pode realizarse de xeito telemático a través da Oficina Virtual de Emprego de Galicia. Esta iniciativa concreta ten como prazo máximo de inscrición o día
