O municipio de Carballiño suma un novo centenario á súa historia: José Campos Veiga, coñecido cariñosamente polo alcume de Carrera, celebra os seus 100 anos de vida rodeado do afecto da súa familia e a comunidade. Nado e criado na localidade, don José dedicou a súa vida ao oficio de xamoneiro, percorrendo feiras da rexión co seu emblemático produto e forxando un nome ligado ao traballo honrado e a tradición galega.
Vecino entrañable e figura habitual da Cafetería Capri, Carrera era coñecido polas súas animadas partidas de subastado, onde compartía faladoiros e risas con amigos. A súa rutina diaria neste emblemático establecemento converteuse nun símbolo da súa vitalidade e arraigamento na vida social de Carballiño.
Os seus fillos —Marite, Purita, Conchita, José Ángel e María Jesús— expresan o seu orgullo polo legado do seu pai, destacando a súa dedicación como profesional e o seu carácter afable. “Sabemos que a nosa nai, Avelina González Vaca, quen nos deixou hai algúns anos, estaría tan emocionada como nós ao velo alcanzar esta fonda homenaxe á vida”, comentan.
A familia agradece o agarimo recibido por veciños e amigos, e convida á comunidade para sumarse a este recoñecemento a unha vida marcada polo esforzo, o amor aos seus e a paixón polas raíces galegas.
Hoxe perto de 40 familiares acompañarán a José para celebrar esta data tan simbólica.
