Club Deportivo Arenteiro afronta o vindeiro domingo a primeria cita da tempada da Primeira Federación dende as 17,00 horas no campo municipal de Gobela fronte ao Arenas Club de Getxo, un equipo que conqueríu o campionato do seu grupo na Segunda RFEF e que vén de ascender de categoría por méritos propios.
O adestrador dos verdes, Jesús Arribas, comparecía hoxe en rolda de prensa para analizar a situación actual do equipo e tamén ao primeiro rival da tempada que agora comeza. Arribas comentou que “dende o mércores estivemos preparando este primeiro partido, e estamos moi ledos porque o equipo respondeu especialmente ben esta semana”. En canto ao Arenas Club, o adestrador de C.D. Arenteiro avanzou que “sabemos que vai ser un rival supercomplicado, un equipo que nos vai poñer as cousas moi difíciles”. Por iste motivo, engadíu que “temos que dar a nosa mellor versión e nivel se queremos traer algo positivo”.
Pola súa banda, o Arenas Club inicia este domingo a tempada máis ilusionante dos últimos anos. Tras o brillante ascenso conseguido a tempada pasada, o histórico dá comezo á campaña da súa estrea en Primeira Federación. O obxectivo do club é seguir coa mesma ambición, dinamismo, ilusión e traballo que o curso pasado permitiu alcanzar o soño do campionato ligueiro, sendo conscientes da dificultade que ten a nova categoría, na que teremos enfronte a grandes equipos do futbol español que fai non tanto xogaban en Primeira División. Jon Erice, o adestrador do Arenas, afronta a tempada “con moita ilusión. Con necesidade competitiva. Temos ganas de que empece a competición. As balas de fogueo da pretemporada xa se acabaron. Imos a polo que realmente impórtanos que é a liga”.
