O Conservatorio Profesional e a Escola Municipal de Música de Ribadavia informan da apertura do prazo de matrícula extraordinario para o curso académico 2025-2026, que estará dispoñible do 1 ao 10 de setembro, en horario de 10.30 a 13.00 horas, na secretaría do centro.
O centro ofrece unha ampla variedade de especialidades instrumentais, tanto no conservatorio profesional como na escola municipal, entre as que destacan: piano, guitarra, violín, viola, clarinete, frauta, saxofón, trompeta, trombón, trompa, tuba, bombardino e percusión.
Ademais, impártese formación complementaria, como linguaxe musical, orquestra de cordas, banda, coro, combo de música moderna, informática musical, harmonía ou historia da música, entre outras.
Escola Municipal de Música
Para os máis pequenos, a oferta inclúe o programa Música e Movemento, destinado a nenos e nenas de 3 a 5 anos. A matrícula para os menores de 3 anos será gratuíta para aqueles empadroados en Ribadavia. O prazo de matrícula estará aberto durante todo o mes de setembro.
No apartado de instrumentos, a formación está dispoñible a partir dos 6 anos, sen límite de idade. Destacan as modalidades:
- Preiniciación ao instrumento: para nenos e nenas de 6 anos.
- Iniciación ao instrumento: para nenos e nenas de 7 anos en diante.
Xornadas de portas abertas
O centro organiza xornadas de portas abertas para coñecer a oferta educativa:
- Música e Movemento (3 a 5 anos): do 15 ao 18 de setembro, de 16.30 a 20.00 horas.
- Instrumentos (a partir de 6 anos): do 15 ao 18 de setembro, de 16.30 a 20.00 horas.
Para máis información, pódese chamar aos teléfonos 618 745 794 ou 988 471 900 a partir do 1 de setembro, ou acudir á secretaría do centro, situada no 2º piso da Casa da Cultura, Avenida Redondela s/n.
