Ourense, 19 de novembro de 2025_ Tras dúas reunións de mediación non foi posible alcanzar un acordo que poña fin á negociación do convenio colectivo do sector de siderometal en Ourense.
A representación empresarial acudiu ás mediacións promovidas polo Consello Galego de Relacións Laborais co ánimo de alcanzar un acordo; con todo, CIG e UXT (unidos nesta negociación) fixeron imposible calquera acordo co seu inmobilismo.
OS MELLORES ESTABLECEMENTOS
A parte empresarial, desde o inicio da negociación no mes de xaneiro, ofreceu un plus de asistencia por ir traballar, (actualizable nas seguintes negociacións). #Ante o rexeitamento frontal dos dous sindicatos a este plus, foise modulando a proposta, ofrecendo finalmente un 3,5% cada un dos tres anos de vixencia do convenio e xa tan só o plus de asistencia en 2027 de 444€ (2€/cada día de traballo). Admitindo ademais a parte empresarial a inclusión dunha cláusula de revisión idéntica á asinada no anterior convenio, que serviu para saír dunha folga indefinida.
O incremento ofrecido pola parte empresarial representa un 13,23%, polo que resulta incomprensible, que os sindicatos continúen bloqueando a firma do convenio, cando o que eles piden supón un 12%. Os traballadores que secundaron as sete xornadas de folga convocadas por CIG e UXT desde setembro, tiveron unha perda económica imposible de recuperar unha vez alcáncese o acordo.
As empresas deste sector, de maneira voluntaria, decidiron actualizar os salarios no 3,5% desde o mes de maio, a fin de evitar que os traballadores resulten prexudicados pola negativa sindical a chegar a un acordo, que segue sendo o obxectivo da parte empresarial.
