Cine Club Carballiño abre a súa programación de 2026 o vindeiro venres, día 9, coa película británica “On falling”, dirixida pola realizadora portuguesa Laura Carreira. Aurora é unha muller portuguesa inmigrante que traballa nun gran almacén de Escocia. Atrapada entre os muros do seu centro de traballo e a soidade do seu piso compartido, trata de resistir ao illamento, á alienación e á charla trivial que comezan a ameazar a consciencia de si mesma, nun entorno dominado por unha economía baseada en algoritmos e deseñada para manternos separados. Cine social en estado puro, expón a dura situación da clase obreira no actual sistema.
OS MELLORES ESTABLECEMENTOS
O filme valeulle á súa directora a Concha de Plata á Mellor dirección no Festival de San Sebastián, así como o Premio á mellor ópera prima no BFI de Londres. Sen dúbida, un gran debut da directora portuguesa afincada en Escocia.
Os pases serán os dous en VOS en castelán, tanto ás 20,00 como ás 22,30 horas, coma sempre no Auditorio Manuel María do Carballiño.
