A primeira quenda piloto, con 36 participantes, confirma o alto interese dunha oferta que combina seis días de estancia termal con experiencias gastronómicas de máximo nivel
Participan os tres restaurantes con Estrela Michelín da provincia —Miguel González, Nova e Ceibe— nun programa que atrae visitantes de toda España
Ourense, 17 de marzo de 2026.
A Deputación de Ourense pon en marcha hoxe o novo programa, de Termalismo con Estrelas, para promocionar o sector termal e a gastronomía mediante unha iniciativa innovadora que fusiona estancias nos balnearios coa excelencia que representan os tres restaurantes con Estrela Michelín da provincia: Miguel González, Nova e Ceibe.
Hoxe martes será o primeiro día no que estes restaurantes reciban nos seus establecementos ás persoas participantes no programa experimental, que previamente terán desfrutado de técnicas termais no balneario de Laias.
OS MELLORES ESTABLECEMENTOS
Desde que o pasado 25 de febreiro presentárase o programa recibíronse numerosas chamadas telefónicas e solicitudes de información sobre esta innovadora iniciativa que se traduciu nunha ocupación plena de todas as prazas postas a disposición para a primeira quenda.
Os solicitantes proceden de distintas comunidades autónomas: Galicia, Asturias, País Vasco, Castela-León, Castela-A Mancha e Madrid, o que reflicte o interese pola oferta conxunta de termalismo e gastronomía do máis alto nivel.
As 36 persoas que participan nesta primeira quenda desfrutarán de seis días (5 noites) de estancia nun balneario en réxime de pensión completa , dez técnicas termais con revisión médica voluntaria, acceso ás piscinas de auga mineromedicinal termal, así como a experiencia de comer nun dos tres restaurantes con Estrela Michelin de Ourense.
Unha vez rematada este experiencia piloto, os técnicos da Deputación, os responsables dos restaurantes e dos de los balnearios analizarán os resultados para valorar posibles adaptacións en próximas quendas..
Os menús dos restaurantes con Estrella Michelín
Cada un dos tres restaurantes decidiu o menú máis adecuado para este programa piloto, dentro dos que xa ofertan a diario, para respectar a esencia do que é a experiencia gastronómica nestes locais, referentes culinarios ourensáns.
Os menús escollidos polos restaurantes Estrella Michelín que participan no programa son os seguintes: “Auria”, no caso do restaurante Miguel González para poñer en valor a súa cociña de “recordos, sensacións e técnicas” baseada no que recibe do mercado, da lonxa ou do campesiño, sen saber ningún día cal será o produto.
O Restaurante Ceibe opta por “Enxebre”, no que traballa con materia prima de proximidade e de tempada unido ás bases da súa cociña, onde lidera a cultura e a tradición que representan a Galicia.
Por último, Restaurante Nova optou polo menú que leva o seu nome, xa que representa unha cociña de raíces que trata de plasmar unha base gastronómica herdada dos nosos maiores onde o fío condutor é a frescura e os produtos de proximidade.
