Santiago de Compostela – O prestixioso cardiólogo Eduardo Barge Caballero superou con éxito as probas de habilitación para facerse coa praza de Profesor Titular da Área de Medicina (perfil Cardioloxía) na Facultade de Medicina e Odontoloxía da Universidade de Santiago de Compostela (USC).
Fontes presentes no acto cualificaron a súa defensa como “bastante esixente”, reflectindo a esixencia e a competitividade do proceso. A pesar da dificultade da proba, o tribunal encargado de avaliar o seu currículo e méritos acordou por unanimidade concederlle a praza, nun claro recoñecemento á súa traxectoria asistencial, docente e investigadora.
Barge Caballero, xa con anterioridade vinculado á USC, ten docencia impartida en materias crave do Grao de Medicina, como Enfermidades do Aparato Cardiovascular en 3º curso e Clínica Médica en 6º curso, así como no Programa de Doutoramento en Investigación Clínica en Medicina . Con este novo nomeamento, consolida a súa carreira académica dentro do sistema universitario público galego.
A resolución do tribunal vén poñer en valor o seu perfil profesional dentro do ámbito da Cardioloxía, nunha das prazas máis demandadas da facultade.
