O director xeral de Centros e Recursos Humanos, Jesús Álvarez, visitou esta mañá a escola de San Paio do Colexio Rural Agrupado (CRA) Amencer, en Ribadavia, onde destacou o seu dinamismo e creatividade. “Este centro é un exemplo de que o ensino rural en Galicia está en pé de igualdade co de calquera cidade”, afirmou.
No transcurso da visita, o representante da Consellería de Educación, Ciencia, Universidades e FP tivo a oportunidade de coñecer as diferentes iniciativas que esta comunidade escolar desenvolve no marco do seu Polo Creativo. O primeiro deles foi o proxecto Radio na Escola, no que elaboran podcast sobre diferentes temáticas.
Este curso colexio aposta pola iniciativa Detectives do CRA por un mundo mellor. A través del os escolares convértense en investigadores, con misións de sustentabilidade para as que elaboran materiais como lupas artesanais, libretas de axentes segredos e hoteis de insectos con materiais de refugallo. Con cada reto superado imos cubren un pasaporte de detectives nas que cada obxectivo de desenvolvemento sostible é unha insignia.
