O Servizo de Emerxencias do Carballiño ( https://www.facebook.com/emerxenciascarballinho# ) informa de dous sinistros viarios rexistrados ao longo da tarde, ambos sen persoas feridas.
O primeiro accidente tivo lugar ao redor das 15:15 horas na rúa Francisco Castello, onde se viron implicados catro turismos. Por mor do incidente, activouse o protocolo de emerxencias tras o aviso ao 112.
O segundo suceso produciuse ás 17:20 horas na rotonda do da Casa Azul, por un alcance. Como resultado da colisión, un dos vehículos rematou empotrado contra a terraza da Pulpería Ruzo.
Afortunadamente, non hai que lamentar vítimas persoais en ningún dos dous accidentes. Os efectivos desprazados realizaron as tarefas de sinalización, limpeza e retirada dos vehículos afectados.
