Esta mañá, o carballiñés Carlos Montes presentou o libro “Alarifes do Carballiño”. Nesta presentación, estivo o concelleiro de cultura en funcións, Diego Fernández, quen destacou a importancia desta obra para a sociedade.
Este libro está editado polo Centro de Estudo Chamoso Lamas. O seu presidente, Carlos Rodríguez, destacou o potencial documental desta peza que recompila a historia da vila.
Trátase dunha publicación cun gran aporte documental sobre os persoeiros que construíron O Carballiño ao longo dos séculos XVII, XVIII e XIX. A presentación pública realizarase o próximo venres, 16 de xuño, ás 20,30 h., no Casino do Carballiño.
