Recentemente, a corporación do concello do carballiño aprobou por unanimidade conceder o nomeamento de Xosé luís Reza Cabano ó salón de actos da Casa da Cultura, proposta iniciada polo Orfeón do Carballiño, onde o homenaxeado foi director e ademais é neste espazo onde realizan os ensaios. Por este motivo, tanto o Concello como a propia coral, decidiron realizar un acto de homenaxe que terá lugar este venres ás 20:30h no salón de actos da Casa da Cultura, onde se destapará a placa que dará nome ó espazo e tamén terá lugar un concerto no que os compañeiros do exdirector interpretarán varias cancións compostas por Xosé Luís.
Don Xosé Luís Reza Cabano comezou dende moi cativo no mundo da música, logo de formarse, comezou a súa actividade profesional como mestre de música, profesión que compaxinou coa tarefa de director de varias corais de Galicia. Asemade, ademais do gran recordo que deixou entre o alumnado que pasou pola súa labor docente e nos coralistas que dirixiu, tamén tivo moita relevancia a súa labor como compositor, tanto pola súa extensión como pola súa calidade. De feito, recentemente, foi editado un libro que recolle as pezas de música compostas polo homenaxeado e que foi moi ben acollido no mundo da música galega.
Ó remate do acto, terá lugar unha cea de confraternidade na que tamén estará presente o homenaxeado e a súa familia, e na que todos aqueles interesados en asistir deberán realizar a reserva a través do número de teléfono 661325388 ou tamén a través dos membros da Coral do Orfeón.
