----------------------------------------------------------------------------------------------------------
A Concellería de Servizos Públicos e Benestar Comunitario reforza a limpeza das rúas e prazas do Carballiño cun plan de actuación en todo o casco urbano. Os servizos de limpeza do Concello realizan desde hai días baldeos cunha máquina de auga a presión en beirarrúas, prazas e zonas peatonais. Os traballos estenderanse durante as próximas semanas, co obxectivo de chegar a todas as rúas da vila.
A responsable deste departamento municipal, Rosa Fuentes, prega á veciñanza respectar a normativa de mascotas (que obriga a recoller os excrementos e botar auga por riba dos ouriños) e evitar tirar lixo e residuos nas rúas.
PUBLICIDADE
---------------------------------------------------------------------------------------------------
