Un ano máis, coa chegada do mes de outubro, comeza unha nova edición da nosa Mostra de Teatro. A primeira representación terá lugar o vindeiro domingo, día 4, ás 20.00 horas, no Auditorio Manuel María.
A compañía Gargallada Teatro, do Barco de Valdeorras, será a encargada de inaugurar a programación coa comedia de humor negro Alimañas.
A obra conta a historia de Mara, unha antiga estrela do cinema que vive retirada na súa mansión xunto co seu marido e co director e guionista das películas que a levaron á fama. Cando Mara decide vender a casa, ilusionada pola chegada de dous estraños, os seus compañeiros farán todo o posible por conservar o particular modo de vida que construíron nese mundo illado.
Alimañas é unha comedia para sorrir que, desde unha ollada irónica, amarga e cruel, amosa como o ben e o mal conviven na condición humana, ata o punto de que o crime pode chegar a interpretarse como un xogo de nenos.
📅 Datos da representación
- Obra: Alimañas
- Compañía: Gargallada Teatro
- Data: Domingo, día 4
- Hora: 20.00 horas
- Lugar: Auditorio Manuel María
